A herzlichs Griass Gód bei Wikimedia Commons - da frein Meediendaatebånk fyr olle Wikimediaprójektt.
Wos is Wikimedia Commons?
Wikimedia Commons is a Meediensåmmlung fyr gmoahfreie und frei-lizenzirde leerreiche Meedieninhoite - Büder, Audió- und Videódaatein - fyran jeen. Sie deant ois oigmoahs Archiv fyr dé vaschianen Prójekte voh da Wikimedia Foundation, ma muass ower néd oahm voh dé Prójekte åghern umd do bereitgstöde Meedien z' nutzen. Dé Såmmlung is néd voh bezoide Midorweider, sondern voh Freiwillige erstöd worn. Da Råmen voh dém Prójekt is auf da Seiten Prójektråmen bschriem.
Im Géngsootz zua traadiziónöe Meedienarchive is Wikimedia Commons frei. Jeeder derf dé do breitgstöden Daatein frei kópirn, nutzen und borweiden, sólång dé Autorn gnånnt und dé Kópien und Vaänderrungen mid dasöm Freiziagikeid åndre zur Vafygung gstöd wern. Dé Wikimedia-Commons-Daatenbånk ois sóiche und dé in iarer enthoidernen Texte san unter da GNU-Lizenz fyr freie Dókumentazión lizenzird. Dé genaun Lizenzbedingungen voh jeeder oahzelnen Meediendaatei kennern auf da jeeweiling Bschreiwungsseiten gfunden wern. Weiderne Informaziónen zur Wiadervawendung finden sé unter Commons Weidervawendung und Commons:Erste Schrit/Nützung.
MIDMOCHEN
A jeeder kå Wikimedia Commons vabessern, indém er dodazua beitrogt, wos er am besten kå:
Dé seining Werke beisteiern
Wer a guader Fótógraaf is, sóid dé seining Fótógraafien beisteiern. Wer Fähigkeiten ois Graafiker hod, kå nochéschauh, do wó grod Diagramme und Animaziónen dringends bnédigt wern. Musiker óder Füm-/Theaaterkynstler kennern do oagerne Aufnåmen voh freie Styck vaéffmtlichen.
Seine Fähigkeiden eihbringer
Ma muass néd unbedingt oagerne Daatein aufféloon. Es gibt owerraa an Hauffm åndre wichtige Hacklerrei:
Ma braucht dert néd amoi a guader Kynstler z' seih óder guade Hüfstextt schreim kenner. Wer oahfoch a Freid drå hod, aus Chaaós a Ordnung z' schoffm, kå midhöffm, z. Bsp.:
Vaweiste óder néd kategorisirde Büder in Sochgruppm eihordner, um dé leichter auffindbor z' mochen, indém mas ner Kategorie zuaordned óder in a Gallarie eihfiagt
Bei da Auswoi voh exzellente Büdln midwirken (a Åmödung is erforderlich).
ÅMÖDEN
Daast auf Commons Daatein aufféloon kåst, muasst dé mim Benutzernåm åmöden. Dés, óder sé neich reegistrirn kå ma sé unterm Link „Log in / create account“ in da ówern rechten Écken. Olle Änderrungen und auffégloodernen Daatein wern dånn mim Benutzernåmen kennzeichnet. Fyrs blósse Beorweiden voh Wiki-Seiten braucht ma ower néd ågmödt seih (wånns ower aa erwynscht is). Wer aus am åndern Wikimedia-Prójekt bereits a Unified-Login-Kontó hod, is autómaatisch bei Wikimedia Commons ågmödt.
D' ERSTEN SCHRIT
A Hüfestöung fyr Neiling gibts auf da Erste-Schrit-Hüfeseiten und da Listen voh heiffig gstöde Frong. Dé daklärn z. Bsp., wia ma Daatein aufféloodt, wia ma sé dé Benutzerówerflächen individuö åpassen kå (z. Bsp. d' Sprooch), und insre grundlégernden Lizenzierungsrichtlinien. Ma braucht koane technischen Fähigkeiden zum Midmochen. Es güt, muatig z' seih, sé eihzbringer und géngywer åndre Midbenutzer an guaden Wün vurauszétzen. Dés dodan is a Wiki – es is dert wirklé oahfoch.
Dé Daatein in Wikimedia Commons san in Kategorien und Gallarien gordnet. Auf da Hauptseiten findt sé a Ywerblick ywer dé erstöden Kategorien.
ZUASÄTZLICHE DEANSTE & PRÓGRAMME
Fois ma gresserne Daateimengen aufféloon wü, werds Prógramm Commonist hüfreich seih. Spezielle Informaziónen ywer Werkzeig zum Betrochten und Beorweiden voh inserne Inhoite findt ma auf da Seiten Software.
Mir hóffm, daas a jeeder sé do wóifüd und an Spaass am hackeln hod.
